Network
Para hadirin, kaum muslimin; ingkang kawulo hormati,
Keparengo, kulo jumeneng wonten mriki; aminangkani talanging atur rencang-rencang panita Peringatan Hari Besar Islam Masjid………..
Sepindah ngaturaken: sugeng rawuh (ahlan wasahlan bikhudzurikum) mugi-mugi niat sae panjenengan ingkang sampun kerso angrawuhi undangan panitia, pikantuk ridho ugi ganjaran ingkang ageng saking ngarso dalem Allah SWT.
Kaping kalih-ipun, kawulo aturaken agunging panuwun dumateng sedoyo warga lan rencang-rencang panita; ingkang sampun paring pambiantu awujud punopo kemawon, sehinggo Pengaosan Isra’ Mi’raj ing ndalu meniko saget kaleksanan kanthi sae.
Ingkang ongko tigo, kawulo minangkani wakil saking panitia, nyuwun agunging pangapunten; mboten saget manggihi para rawuh setunggal mbopo setunggal, ugi mboten saget caos papan palenggahan lan uborampe ingkang setraju kalian kalenggahan para rawuh sedoyo. sepindah malih kulo nyuwun agunging pangapunten.
Ingkang pungkasan, sumonggo kita sareng-sareng ngaos, midangetaken tausiyah saking bopo kyai ……………..,. Mugi-mugi sarono ngaos ing ndalu meniko, saget dados lantaran tumuruning hidayah; sansoyo tambah iman lan taqwa kita dumateng Allah Swt. Amiin
Saking kawula cekap semanten, sedoyo kekhilafan lan kalepatan kawula nyuwun agunging pangapunten, kawula akhiri.
وَاللهُ الْمُوَفِّقِ إِلَى أَقْوَامِ الطَّرِيْقِ
والسلام عليكم ورحمة الله وبركاته
Inilah tadi contoh teks sambutan ketua panitia peringatan Isra' Mi'raj 2022 dalam Bahasa Jawa lengkap. Semoga bermanfaat.***
